CEBU – Labing minos 82,000 ka mga panimalay o 99 porsyento sa 82,922 ka mga panimalay sa Pantawid Pamilyang Pilipino Program (4Ps) ang na-revalidate isip benepisyaryo sa programa sa DSWD-7 o ang Department of Social Welfare and Development sa Central Visayas.
Kini ang gikumpirma ni Kerwin Macopia ang 4p’s Information Officer Program, DSWD-7.
Kung diin giila sila sa ahensya nga dili pobre o nakaabot na sa level 3 o self-sufficient level, base sa Listahanan 3, Hinuon, kinahanglang i-revalidate nila kini nga mga benepisyaryo pinaagi sa Social Welfare and Development Indicators ( SWDI).
Matud pa ni Macopia nga sukad niadtong Hunyo ug Hulyo, ang ilang financial grant gi-hold na sa ahensya, samtang nagpaabot sa resulta sa revalidation pinaagi sa Social Welfare and Development Indicators (SWDI).
Dugang pa, nga ang resulta sa revalidation maoy magdeterminar kon magpabilin ba sila o mogradwar sa maong programa.
Gidasig usab sila ni Macopia sa pagpadayon sa pagtambong sa mga family development session ug pagsiguro nga ang ilang mga anak makapadayon usab sa ilang pagtuon.
