Gipasidunggan sa Department of National Defense ang mga personnel sa Armed Forces of the Philippines,Philippine National Police, Philippine Coast Guard ug Bureau of Fire Protection tungod sa ilang kontribusyon sa malampusong pagdumala sa ika-20 ASEAN Defence Ministers’ Meeting nga gipahigayon sa Lapu-lapu city niadtong Oktubre.
Personal nga nangulo sa awarding ceremony si Defense Secretary Gilberto Teodoro Jr. kaganinang hapon nga gipahigayon Headquarters sa Visayas Command sulod sa Camp Lapulapu, Apas, Cebu City.
Gihatagan og Service Merit Medal ang yunit sa Armed Forces of the Philippines ug ilang mga representante isip pag-ila sa ilang talagsaong serbisyo, propesyonalismo ug dedikasyon sa pagtuman sa ilang mga katungdanan atol sa maong internasyonal nga kalihokan.
Sa iyang mensahe, gipasalamatan ni Teodoro ang tanang bahin sa ahensya tungod sa ilang maampingong pagplano ug koordinasyon nga nakatabang aron hapsay nga mahitaboang duha ka internasyonal nga panagtigom.
Matod ni Teodoro, mas nahimong importante ang maong kalihokan tungod kay ang Pilipinas maoy chair sa ASEAN Defence Ministers’Meeting niining tuiga.
Gipili usab sa tanang ASEAN Defence Ministers ug dialogue partners ang isla sa Mactan isip venue sa maong panagtigom.
Gipasalamatan usab sa kalihim ang probinsya sa Sugbo, Cebu City ug Lapu-Lapu City tungod sailang dugang nga paningkamot aron mahatagan og maayong pagdawat ang mga delegadoug bisita gikan sa nagkadaiyang nasud.
Dugang pa ni Teodoro, dili sayon ang pagdumala sa maong kalihokan tungod sa presensya sa daghang high-level officials, lakip na ang mga defense ministers ug deputy prime ministers gikan sa nagkadaiyang nasud.
Gipasabot ni Teodoro nga nagkinahanglan og hugot nga koordinasyon ang pagdumala sa seguridad sa transportasyon ug akomodasyon sa mga delegado, gikan sa ilang pag-abot hangyod sa ilang luwas nga pagbiya sa nasud.
