CEBU – Gikatakdang makig-estorya ang Cebu City Police Office sa mga opisyal sa barangay ug mga tag-iya og bar sa Barangay Kasambagan human sa duha ka insidente sa panag-away nga nahitabo sa barangay sa miaging duha ka semana.
Nagkanayon si Police Lieutenant Colonel Wilbert Parilla, deputy director for administration sa Cebu City Police Office (CCPO) nga ang panag-away naglambigit sa mga batan-on ug giingong nahitabo sa gawas sa usa ka bar.
Matud pa ni Parilla nga ila karong gitinguha ang pag-ila sa mga nalambigit nga mga batan-on aron ilang matawagan ang atensyon sa ilang mga ginikanan.
Kasamtangang na-delete na karon ang video nga nagpakita sa pundok sa mga tin-edyer nga nag-away, nga gikatahong nahitabu sa Panagdait, Barangay Kasambagan, dakbayan sa Sugbo, niadtong Oktubre 8, nga nakaaghat sa kapolisan sa paghimo og aksyon.
