CEBU – Nisang-at si Cebu City Councilor Rey Gealon ug usa ka resolusyon nga nag-awhag sa Office of the City Mayor sa paghimo og anti-poverty summit.
Ang maong resolusyon tukion atol sa regular session sa konseho sa dakbayan sunod semana.
Matud ni Gealon, nga nagkutlo kini sa report sa Philippines Statistics Authority (PSA), nga ang proporsiyon sa mga kabus nga indibidwal sa Central Visayas gibanabana nga 27.6 porsyento sa 2021, nga nagpasabot nga 27 sa matag 100 ka mga Pilipino ang adunay kita nga ubos sa kantidad nga gikinahanglan sa pagpalit sa ilang basic nga panginahanglan sa pagkaon ug dili pagkaon.
Nsayran nga ang Social Reform and Poverty Alleviation Act naghubit sa “kabus” isip mga indibidwal o pamilya kansang kita ubos sa poverty threshold nga gipasabot sa National Economic and Development Authority, ug/o kadtong dili makasarang “sa padayon nga paagi sa paghatag sa ilang minimum nga batakang panginahanglan sa pagkaon, kahimsog, ug edukasyon, balay, ug uban pang hinungdanon nga mga kahimanan sa kinabuhi.”
