CEBU CITY-Nagmalampuson ang pagsaulog kagahapon adlawa sa ika-86 nga Charter Day sa Syudad, kung diin opisyal nga gisugdan sa dakbayan ang tibuok semana nga selebrasyon niini niadtong Pebrero 17, 2023.
Ubay-ubay usab ang mga kalihukan nga gipasiugdahan sa kagamhanan sa dakbayan sa Sugbo.
Apil na niini ang memorabilia exhibit ni Don Vicente Rama, ang labing unang Cebu City Hall Got Talent, inter-department service showcase nga gipahigayon sa usa sa mga mall sa dakbayan, ug ang small-business-day fair nga gihimo sa Plaza Independencia.
Nisalmot usab ang mga empleyado sa city hall sa Family Day nga gipahigayon sa South Road Properties (SRP), libreng health check-up, wellness day, ug season 2 sa ‘BalakWit’ o showcase sa mga balak ug kanta, nga gipangulohan sa Cebu City Youth Development Commission. .
Samtang gitapos ang Charter Day sa awarding sa mga outstanding employees gikan sa rank-and-file section, division head, assistant department head, department head, ug outstanding department.
Una niini, nahimong kontrobersyal ang Charter day tungod kay hatagan man sa kagamhanan sa Sugbo og Charter Anniversary bonus nga P50,000 ang mga regular ug kaswal nga empleyado sa Cebu City Hall, apan gi-withdraw kini sa Mayor human nibabag ug niingon nga pipila ka mga Department head sa dakbayan. nga maglisod sila kon asa makuha ang maong budget, butang nga imbes P50,000 gihimo na lang nga P15,000.
