On-going sa gihapon ang hot pursuit operation batok sa kapitan sa Barangay Panadtaran, lungsod sa Argao human nga gipusil patay ang iyahang manghud.
Gibutyag ni Police Major Andy Roque, ang hepe sa Argao Municipal Police Station, nga gisuwayan na ug contact si Kapitan Roberto Villamora sa iyahang numero ug sa Facebook messenger apan dili na kini ma-contact.
Matud pa, gibisita na usab nila ang panimalay sa kapitan apan mismo ang inahan ang wala na usab masayod sa nahimutangan sa iyahang anak.
Apan giingong mipasalig ang inahan nga ihatud ang anak sa buhatan sa kapulisan kung mo uli kini sa ilahang panimalay.
Gitino usab ni Police Major Roque nga walay criminal record ang naasoy nga kapitan apan gipasakaan kini ug alarm and scandal, hinuon wala man kini gipadayon sa reklamante.
Nanawagan nalang kini nga mo surindir na sa kapulisan aron mabayran niini ang iyang sala nga nabuhat.
