CEBU CITY-Nagpabilin ang supply ug walay shortage sa karne sa baboy sa dakbayan sa Sugbo.
Gitino ni Dr. Jessica Maribojoc, ang head sa Cebu City Department of Veterinary Medicine and Fisheries (DVMF), nga ilaha nang giduol ang mga negosyante sa nagkadaiyang ka merkadohan sa dakbayan, ug wala pa may nakita nga problema sa supply.
Apan giklaro ni Maribojoc nga wala may reaksyon gikan sa mga tindera apan ang mga byahedor ang adunay problema gumikan sa nagkadaiyang guidelines sa mga local government unit (LGUs) panahon nga mo agi sila sa mga border control.
Kini giingong bisan pa man nga kompleto ang ilahang mga dokumento.
Nagkanayon kini nga nagpadayon ang palit sa karne sa baboy sa nagkadaiyang kamerkadohan bisan pa man nga duol na ang Mahal nga Adlaw, ingon man nga nagpabilin lang ang presyo niini.
