CEBU CITY-Aduna nay bag-ong hepe ang duha ka Police Station sa Cebu City Police Office (CCPO), kini human pormal na nga gihimo ang turn-over ceremony sa station commander sa Parian Police Station 1 ug Waterfront Police Station 3, kung diin si Police Major Henry Orbiso maoy modumala sa Parian police station, ug si Police Major Efren Diaz Jr. maoy mo assume sa Waterfront Police Station.
Kini ang gitino ni Police Colonel Ireneo Dalogdog, ang City Director sa Cebu City Police Office, apan gi-klaru niini nga ang re-shuffling nga gipahigayun, wala nagpasabut nga low performance ang mga hepe, gani ning bag-ohay lang gi-review ni Brigadier General Anthony Aberin, ang Regional Director sa Police Regional Office Central Visayas (PRO 7), ang performance sa 11 ka police stations sa CCPO ug nakuha nila ang labing taas nga performance rating.
Gitino ni Dalogdog, nga bisan og epektibong lider ang 11 ka police station commanders, angayan silang organisahon pag-usab aron mas molambo sila isip indibidwal ug mga station commander.
Dugang pa, nga sa umaabot nga adlaw aduna pay usa ka police station ang hulipan ug station commander, kini gumikan kay adunay usa ka hepe nga naay planu sa iyahang career.
