CEBU CITY-Human sa sunod-sunod nga insidente sa patay, pagpanulis ug kawat sa Dakbayan sa Sugbu, planu karun sa kapulisan sa Cebu City Police Office, nga ibalik ang The Theft and Robbery Section (TRS) ug Homicide Sections sa CCPO.
Kini ang gitumbok ni Police Col. Ireneo Dalogdog ang City Director sa Cebu City Police Office(CCPO), kini arun aduna na’y makatotok sa pag-imbestigar sa mga insidente sa pagpanulis o kawat, ingon man mga pagpatay sa dakbayan sa Sugbo.
Dugang pa sa opisyal nga kini nga planu,gumikan kay iyang naobserbahan nga nisaka na ang kaso sa pagpangawat ug pagpanulis karong bag-o.
Gipasabut ni Dalogdog nga sa kasamtangan daghan na ug gipangbuhat ang mga kapulisan sa Sugbo,hinungdan nga wala na kaayuy makatutuk sa pag resolba sa mga kaso ug insedente nga nahitabo sa Dakbayan sa Sugbu, ilabi na sa pagpanulis o kawat, ingon man mga pagpatay sa dakbayan sa Sugbo.
Kung kahinumduman nga ang TRS nabungkag niadtong 2018 sa dihang gi-revamp ni Police Colonel Royina Garma ang tibuok puwersa sa kapulisan sa dihang nisulod siya isip director sa CCPO.
