CEBU CITY-Kasagmuyo ug kasuko ang gibati ni Cebu City Mayor Michael Rama human nga dinhi sa syudad napalgan ang patay nga lawas ni Reah Mae Tocmo.
Gikwestyon sa mayor ang pagsulod sa patay nga lawas sa maong biktima kung ugaling dili dinhi sa syudad sa Sugbo nahitabo ang krimen.
Matud pa, aduna may checkpoint una makasulod sa hurisdiksyon sa syudad hinungdan nga gikasuko niini ang maong panghitabo.
Subay niini, tuyo ni Mayor Rama nga mabutangan ug closed-circuit television camera (CCTV) ang tibuok syudad sa Sugbo arun nga mas mapahugtan ang pagbantay sa palibot.
Samtang, mipasalig si Mayor Rama nga maka-uli sa Davao Del Norte ang pamilyang Tocmo uban sa patay nga lawas sa biktima, pinaagi sa tabang sa syudad sa Sugbo ug sa naasoy nga probinsiya.
