Giandam na ang pagpasaka og kasong pagpanglugos batok sa usa ka 18-anyos nga lalaki, kinsang giingong nanglugos og 29-anyos nga babaye.
Gidakop ang suspek nga gi-alyasan og “Esmi” sa Naga City Police Station niadtong gabii sa Domingo, tungod sa pasangil nga gilugos niya ang biktima nga si alyas “Bebs”
Basi sa imbestigasyon sa kapulisan, ang biktima— namaligya og isda—ug mitaho nga gihilabtan siya sa suspek samtang natulog siya sulod sa iyang kwarto.
Matud ni “Bebs,” nga natulog na siya pasado alas 10 sa gabii dihang kalit niyang gibati nga adunay tawo nga nag-ibabaw kaniya.
Sa sinugdanan, nagtuo siya nga damgo lang, apan sa dihang nahigmata siya, nakita niya ang nawong sa suspek.
Gikompronta sa biktima ang suspek, hinungdan nga midagan kini pagawas sa kwarto.
Ingon man nga giangkon usab sa biktima nga nakainom siya og ilimnong makahubog nianang gabhiona sa wala pa siya natulog.
