CENTRAL VISAYAS-Nadungagan ug 299 ka lig-on nga police trainees ang Police Regional Office 7, kini human nga mikompleto na sila sa Public Safety Basic Course ug gipahigayon ang ilang graduation ceremony sa Regional Training Center 7, Camp Jessie M Robredo, Brgy. Jugan, sa Consolacion, Cebu, gahapon Martes, Hulyo 25.
Midayeg sa kapolisan si PMGen Ritchie Medardo A Posadas, Direktor sa National Police Training Institute, sa paghuman sa pagbansay-bansay ug nanghinaut nga maayo sila sa pagsugod sa ilang panaw sa organisasyon sa PNP.
Ang PSBRC R7-Batch 2022-01 Classes Alpha to Foxtrot “K.A.D.A.P.I.G.” gilangkuban sa 63 ka babaye ug 236 ka lalaki nga police trainees nga mosulod na sa sunod nga hugna sa pagbansay, ang unom ka bulan nga Field Training Program.
Nasayran nga, misulod sila sa serbisyo sa kapulisan niadtong Oktubre 27, 2022, ubos sa Class name nga “K.A.D.A.P.I.G”, nga nagpasabot sa “Katawhan Alagaran Dignidad Atong Panalipdan Integridad sa Grupong Kapulisan Ampingan”.
Giila usab ni PMGen Posadas ang walay hunong nga mga paningkamot sa mga kawani sa Regional Training alang sa ilang paggiya, kahanas, ug pagtudlo nga adunay hinungdanon nga papel sa pagsilsil sa mga mithi sa propesyonalismo, kalooy, ug kaangayan samtang sila miapil sa serbisyo sa pulisya.
