CEBU CITY – Nanghinaot ang pamilya ni Rhea Mae Tocmo, nga mutabang si Jewel Smith kinsang higala niini sa pagsulbad sa kaso sa biktima.
Kini ang pamahayag ni Rotche Tocmo, igsoon ni Rhea Mae Tocmo, human adunay usa ka informant nga taxi driver nga ning-ingong adunay ningsakay sa iyahang taxi kauban ang duha ka mga indibidwal nga adunay dala nga usa ka dako nga karton sayo sa buntag niadtong Hulyo 17, nga mao usab ang adlaw nga napalgan ang patay nga lawas sa biktima.
Hugot nga gihimakak ni Jewel Smith kinsang higala sa namatay nga si Rhea Mae Tocmo, ang pagkalambigit niini sa kamatayon sa 19-anyos nga babae nga napalgang patay nga giputos sa habol, gisulod sa karton, ug gibilin sa Barangay Tisa, ning Dakbayan sa Sugbo niadtong Hulyo 17.
Samtang sa habig ni Rotche, iyahang gibutyag nga naglisud na sila ug tuo ni Jewel, kini gumikan kay usab-usab ang pamahayag niini kabahin sa ilahang gipanghimo ni Rhea Mae sa wala paman nahitabo ang linuog nga pagkamatay ni Rhea Mae.
