LapuLapu City- Gipasusi ug ipatan-aw sa Kapulisan sa Siyudad sa Lapulapu ang tanang CCTV sa Barangay Poblacion arun mailhan ang nagbitbit ug nagbilin sa siyam ka buwan nga batang babaye nga gisulod sa Eco-bag.
Kini ang gitino sa Hepe sa Investigation and Detective Management Unit (IDMU), nga si PLt. Col. Christian Torres nga igo lang gisab-it sa manobila sa motorsiklo ang Eco-bag nga gisudlan sa bata ug way nakabantay kinsa nagbilin niini.
Matud ni Torres nga dali ra mailhan ang nagbilin sa bata kun makita lang kini sa CCTV nga nagbitbit sa Eco-bag.
Gitinguha ni Torres nga mapasakaan og kaso ang nagbilin sa bata ug ang inahan nga kunsabo niini.
Kasamtangan nga giatiman sa tambalanan ang bata tungod kay malnourished kini diin usa sa nitabang mao ang anak ni Mayor Junard “Ahong” Chan nga si Jasmine “Daday” Chan nga personal nibisita sa bata.
