LAPU-LAPU CITY, CEBU-Samdan ang tulo ka mga batan-on sa dihang nagpabuta ug kalibre .45 nga pistola ang 14-anyus nga lalake nga sakop sa usa ka gang sa mga batan-on sa kapisatahan sa Sitio Soong 1, Barangay Mactan , Siyudad sa Lapulapu.
Kini ang gibutyag ni Major Bonifacio Pareja Hepe sa Mactan Police station 2, nga ang mga biktima nag-edad ug 13, 16 ug 19 anyus nga pulos mga molopyo sa Soong 1 ug adunay tagsa ka samad pinusilan, sa usa sa bukton, laing usa sa kamot ug adunay naigo sa paa.
Hinuon, matud ni Major Pareja nga nahipos na ang suspek nga 14-anyus ug gitugyan na sa Social Worker arun ipaagi sa counseling ug debriefing sanglit usa kini ka minor de edad.
Matud ni Pareja, ang 14 anyus nisulti nga gipareglahan kini sa mga batan-on hinungdan nga namusil apan ang naigo way labot sa grupo sa mga batan-on nga namun-og niini.
Nakuha sa dapit nga nahitaboan ang duha ka sliug ug kapsola sa 45 kalibre nga pistola apan ang gigamit nga armas giingon nga gikan sa kauban sa grupo niini.
Sa pikas bahin, subli nga mipahimangno si Police Colonel. Elmer Lim, ang City Police Director sa mga ginikanan nga ilang katungdanan ang pagbantay sa ilang mga anak nga mga minor de edad.
Dugang pa ni Col. Lim nga wala magkuwang ang Kapulisan sa Lapulapu pagbantay sa Oponganons ilabi na sa mga minor de edad kay hugot nga gipatuman ang paghipos niini kun magsuroysuroy sulod sa curfew hours gikan sa alasa 10 :00 sa gabii hangtud sa alas 5:00 sa buntag.
