-Sinto Porsyento na nga andam ang Police Regional Office-Central Visayas, sa umaabot nga ASEAN leaders Summit nga ipahigayon sugod sa buwan sa Mayo 7, 2026 nga paggasalmotan sa pipila ka mga delegado ug lideres sa mga nagkadaiyang nasud.
Matud ni Police Colonel, Kim Molitas, ang Spokesperson sa ASEAN PRO-7, nga 100% na nga andam ang mga sakop sa kapulisan sa pagbantay sa mga lugar nga posibleng tambungan sa mga delegado sa nagkalain-laing nasud sa Asiya.
Sigon niini nga kompiyansya siya nga hugot ang siguridad og luwas nga makaabut og makapauli ang mga bisita sa ASEAN leaders Summit gumikan kay anaa ang kinatibuk-ang supporta sa lokal nga kagamhanan lakip na ang sa kaulohan.
Gihimug-atan ni Molitas, nga dakog tabang ang mga sugboanon sa padayong pagpahigayon sa mga kalihokan gumikan sa makanunayong pag-kooperar nga magmalampuson ang Summit, diin lakip usab niining giila ang pipila ka mga government agencies nga mi-agak alang sa pagpreparar sa ASEAN leaders Summit.
Sapagka karon, ang National Organizing Committee lakip na ang Philippine National Police ug Armed Forces of the Philippnes, padayung nakig-alayon alang sa pagporma og plano sa mga posibleng kausaban atol sa pag-abut sa mga delegado sugod sa Mayo 5-12, 2026.
