CENTRAL VISAYAS-Gilusad ang duha ka buy-bust operation sa Philippine Drug Enforcement Agency 7 ug kapulisan diin miresulta sa pagsikop sa usa ka membro sa drug group ug pagkabungkag sa usa ka drug den.
Nahitabo ang kina-unhan nga operasyon alas Sabado sa gabie Oktubre 7, 2023 sa Sitio Lapu Barangay Sapangdaku dakbayan sa Sugbo nga miresulta sa pagkasikop ni Teresita Ochea alyas Tasing 44 anyos, labandera giingon nga sakop sa bag-o nga nailhan nga drug group.
Nakuha gikan sa suspetsado ang upat ka gidudahan nga shabu nga motimbang sa 51 nga gramos nga mobalor nga P346, 800 lakip na ang buy-bust money.
Sa susamang adlaw, usa ka drug den ang malampuson nga nabungkag sa PDEA sa Abellana street Barangay Suba sa dakbayan sa Sugbo.
Nadakpan ang unom ka tawo diin duha ang pulos construction worker sila si Ken Abubo ug Pamplito Retubado, construction supervisor nga si Mark Leonard Baaclo, Reynaldo Estoli habal-habal driver, usa ka walay trabaho si Renel Custodio ug usa ka laborer nga si Michael Bañarez.
Nakuha ang 18 ka pakete sa gidudahan nga shabu diin 11 ka gramos nga nagkantidad og P78,800 lakip na ang buy-bust money , vash nga P1,600 nga gituohan nga halin sa illegal nga drugas ug uban pa nga drug paraphernalia.
Gitataw sa information officer sa PDEA 7 Leia Alcantara nga ang nadakpan sa Sapangdaku mga bag-o nga drug group diin naglihok sa maong barangay.
Subay pa nga makadispose kini og 50-80 ka gramos sa illegal nga drugas matag semana ug kini nga impormasyon gipaubos sa tulo ka buwan nga case build up.
