CEBU CITY-Gipusil sa usa ka security guard ug nasamad ang usa ka construction worker, kinsa nisupak sa polisiya sa subdivision nga nagsul-ob og short pants sa Barangay Sta. Cruz, Lungsod sa Liloan niadtong Nobiyembre 4.
Giila sa kapulisan sa Liloan Police Station ang biktima nga si Robby Bueno, usa ka construction worker ug ang suspetsado nga si Mark Allin Tundag, usa ka security guard.
Nasayran nga sakay sa motorsiklo niadtong tungora si Bueno kinsa trabahante sa subdivision nga gitukod ug nag-shorts, hinungdan nga gibadlung sa security guard nga si Tundag sa entrada nga dili siya makasulod sa subdivision kay nagsuot ug shorts.
Dugang pa, nga kini gumikan kay basi sa polisiya, gidili ang pag short sulod sa ‘working site’.
Hinungdan nga nakasab-an si Tundag sa ilahang supervisor.
Naay komusyon nga nahitabo sa duha, butang nga gihusay sila, apan mibahad ang Biktima sa Suspek, hinungdan nga giunhan nalang niya kini ug gipusil.
Boluntaryong mitahan sa krimen nga iyang nahimo ang supetsado.
Mag-atubang kini ug kasong Frustrated Murder.
Ang maong suspek gitanggong na karon sa Liloan Police Station alang sa tukmang disposisyon ug pagpasaka sa tukmang kaso.
