CENTRAL VISAYAS-Dakong posibilidad nga aduna’y wage increase sa sunog tuig 2024 alang sa mga empleyado sa Sugbo apil na usab ang tibouk Central Visayas.
Matod pa ni Department of Labor and Employment (DOLE) Secretary Bienvenido Laguesma nga kanunay adunay posibilidad sa usbaw sa sweldo sa tuig 2024 apan ang final nga desisyon nagdepende gihapon sa Regional Tripartite Wages and Productivity Boards (RTWPBs).
Sa pakighinabi sa Bombo Radyo Cebu News Team ni Jaime Paglinawan, Chairman sa bayan sa central visayas nga arang-arang nalang ang nahimong pamahayag ni Secretary Bienvenido tungod kay aduna’y pag-usab sa gibaruganan sa Secretary.
Matod pa ni Paglinawan nga padayon pa gihapon ang ilahang organisasyon sa pag suporta og pagduso sa mga mamumuo nga makab-ot sa makabuhiang suhulan aron nga matubag ang kinahanglanon sa matag pamilya diin sa pagkakaron kinahanglan ug P1,100 ang average sa tibuok nasud.
Gibutyag usab ni Paglinawan nga grabi ang pagsaka sa presyo sa mga palitunon sa karon nga panahon sama sa bugas, utanon, karne, isda og uban pa.
Kahinumduman nga sa unang panahon, mokabat lang og tag P33.00 ang bahinon sa pamilya nga aduna’y lima ka sakop matag kaon apan sa karon nga panahon kulangon na ang P100.00 sa usa ka pamilya.
