CENTRAL VISAYAS- Nagpahimangno si Engineer Oscar Tabada, weather specialist ug kanhi direktor sa PAGASA Visayas, sa publiko sa Central Visayas nga magpadayon sa pag-amping batok sa grabeng kainit ug taas nga heat index.
Gipasabot ni Tabada nga ang mga sistema sa panahon sama sa Amihan ug Shear Line mahimong makaapekto sa kahimtang sa panahon sa rehiyon.
Bisan adunay mga lugar nga makasinati og pag-ulan, wala kini nagpasabot nga magpadayon ang pag-ulan sa tanang dapit.
Samtang, mas init ang mabati sa mga urbanized area sama sa dakbayan sa Cebu tungod sa kadaghan sa mga building, sementadong karsada ug imprastraktura, apan kulang sa mga kahoy ug lunhaw nga luna nga makatabang sa pagpabugnaw sa palibot.
Giawhag usab ni Tabada ang publiko, ilabi na ang mga bata ug tigulang, nga likayan ang dugay nga pagpabilin sa gawas, mag-inom og igong tubig ug magpabilin sa bugnaw nga lugar aron malikayan ang heat exhaustion ug heat stroke.
