Usa ka hubog, naligsan patay human nga mihigda tunga sa karsada sa Sitio San Antonio, Brgy Binabag, dakbayan sa Bogo

CEBU CITY-Nakabsan sa kinabuhi ang usa ka lalaki nga hubog human kini nihigda tunga sa karsada ug naligsan sa National Highway sa Sitio San Antonio Brgy Binabag dakbayan sa Bogo kagahapon adlawa, Enero 2, 2023.

Giila ang biktima nga si Paulino Micarsos Pianar 40-anyos nga lomolopyo sa nahisgotang barangay.

Base sa imbestigasyon sa Bogo City Police Station Traffic Division nasuta nga si Pianar tuyo nga mihigda tunga sa dalan human kininakainom ug ilimnong makahubog.

Naigo sa usa ka Toyota Innova nga gimaneho ni Eliezar Sinangote Lubon nga nagbiyahe usab gikan sa lungsod sa San Remigio.

Human maigo naguyod kini mga 50 metros gikan sa iyang gihigdaan nga miresulta sa iyang pagkalandig sa tambalanan diin siya nakabsan sa iyang kinabuhi.