CENTRAL VISAYAS-Gi-ila sa Cebu City Council ang Inayawan Police Station 7 sa pagkab-ot sa labing taas nga Unit Performance Rating sa tibuok Central Visayas sa buwan sa Agosto sa miaging tuig.
Kini subay sa daghang mga kalampusan nga ilang nahimo pinaagi sa Simultaneous Anti-Criminality and Law Enforcement Operations o SACLEO.
Nasayran, nga si Police Major Jiceree Saquilabon Basitao maoy bugtong babaye nga hepe sa kapolisan sa dakbayan sa Sugbo ug siya maoy nagdumala sa Inayawan police station.
Bisan pa, ang iyang gender wala makapugong kaniya sa pagpadayon sa balaod ug kahusay sa ilang hurisdiksyon.
Hinungdan nga ang Cebu City Police Office (CCPO) nagpasalamat sa Cebu City Council sa pag-ila sa ilang trabaho.
Matod ni Police Lieutenant Colonel Janette Rafter, ang deputy city director for operations sa CCPO, nga gawas sa station 7, nalakip usab sa top 10 ang ubang police station sa dakbayan.
