CEBU CITY-Igo nalang sa pagpangayo og pasaylo ang grupo sa batan-on sa Brgy Anunang Sur dakbayan sa Bogo human sa ilang pagpakaaron-ingnon nga ‘white lady’ arun hadlokon ang mga motorista nga moagi sa ilang dapit.
DAli nga gipatawag sa opisyales sa naasoy nga Barangay ang mga batan-on human sila makadawat sa maong reklamo.
Nasayran nga duha niini mga hamtong samtang ang tulo mga menor de edad nga mag-atang sa national highway.
Gawas sa white lady, pagpakaaron ingnon usab kini nga “Santilmo”.
Gumikan dili maayo ang ilang gibuhat ug posibleng makamugna pa kini og disgrasya, gipaubos kini sila og pagserbisyo sa ilang komunidad.
Apan, ang mobuhat sa community service sa 3 ka menor de edad ang ilang mga ginikanan.
Ingon man nga hingpit nga nanghinaot ang mga opisyales nga dili na mausab ang maong panghitabo.
