CEBU CITY-Gipaambit ni Board Member Glenn Soco nga ang pag-usbaw sa suholan sa tibuok nasud kinahanglan pa nga tukion gumikan ang matag rehiyon, probinsya lakip na usab ang mga industriya sa nasud nga adunay lain-laing kahimtang sa hisgutanan sa negosyo.
Matud pa niini hilabihan nga maapektuhan sa maong pag-usbaw mao ang mga gagmay nga mga negosyo gumikan sigurado nga mabug-atan kini hinungdan nga kinahanglan nga balansehon ang naasoy nga pag-usbaw.
Dugang pa niini, nga alang sa mga dagko nga negosyo walay problema apan, lahi na nga hisgutanan kung moigo na kini sa reyalidad sa mga gagmay nga negosyo.
Gani, asoy niini kung magbase sa history sa increasing, dako ra ang P100 nga usbaw gawas nalang kung ibase kini sa inflation sa usa ka rehiyon nga nagkinahanglan og dugang nga pag-usbaw gumikan sa pagtaas sa presyo sa mga palitonon.
