CENTRAL VISAYAS-Mokabat sa P28.8 Milyones ang kantidad sa iligal nga drogas nga nasakmit sa mga kapulisan sa Central Visayas atol sa gipahigayon nga tulo ka adlaw nga Simultaneous Anti-Criminality and Law Enforcement Operation gikan sa Pebero 18 ngadto sa 19, 2024.
Diin miresulta sa pagkasikop sa 589 ka mga suspetsado nga naka himo’g lain-laing matang sa krimen.
Matud pa ni Police Lieutenant Colonel Gerard Ace Pelare ang tigpamaba ni Police Brigadier General Anthony Aberin ang hepe sa Police Regional Office 7, nga ang labing dako nga nasakmit mao ang kapin sa duha ka kilo nga gituohang shabu sa Dauis, probinsya sa Bohol.
Dugang pa ni Pelare nga sa maong gidaghanon sa illegal nga drugas nga nasakmit ug pagkasikop sa mga suspetsado, nagpasabot kini nga seryoso ang kapulisan sa pagtuldok sa supply sa illegal nga drugas nga mosulod sa Central Visayas.
Base usab sa ilang custodial debriefing, gihimug-atan niini nga dili gikan sa Central Visayas ang mga nakuhang shabu ug sama sa naandan gikan kini sa Luzon diin gitransport kini paingon sa Sugbo ug Bohol.
Tungod niini mipagawas og kamandoan si General Aberin sa tanang City ug Provincial Police Office Directors nga ilang tutukan ang demand reduction pinaagi sa paglusad og mga programa alang sa drug clearing program.
Apan, gihimakak ni Pelare nga adunay drug laboratory sa Central Visayas tungod sa pila ka adlaw nga nasakmit sa kapulisan sa mga iligal nga drogas gani, matud niini nga sanglit mailhan kini sa packaging ug ang kalidad sa supply nga naabot nga pinaagi sa analysis nga gibuhat sa mga imbistigador masayran nila kini.
