CENTRAL VISAYAS-Gihangop ni Negros Oriental Gobernador Chaco Sagarbarria ang pagpasa sa balaodnon nga nagtumong sa pagreporma sa Negros Island Region (NIR).
Kini ang pamahayag ni Sagarbarria, sa Regional Development Council sa Central Visayas (RDC-7) sa Capitol Social Hall kagahapon Marso 14.
Matud pa ni Sagarbarria nga ang pagpasig-uli sa NIR makahatag og dakong kaayohan sa mga lokal nga kagamhanan sa iyang probinsiya.
Dugang pa niya nga kung mahimong balaod ang NIR bill, magtugot kini sa mga NegOrenses nga accessibility ug kasayon sa pagpakigkomunikar sa mga ahensya sa nasudnong gobyerno.
Samtang, ang gobernador nagtuo nga ang ‘recreation’ sa Negros Island Region gamay ra o walay epekto sa relasyon sa Negros Oriental sa ubang probinsya sa Central Visayas sama sa Cebu, Bohol ug Siquijor.
