CEBU CITY-Gibutyag ni Mayor Mike Rama nga wala siya mouyon sa moratorium sa pagpanakop sa mga ambulant vendor nga makalapas sa mga lagda sa dakbayan.
Diin nagtuo siya nga susamag ‘grandstanding’ ang sugyot ni City Councilor Pastor “Jun” Alcover, Jr. atul sa iyang ‘privilege speech’ niadtong Mirkules.
Gipangutana usab sa mayor nga ‘ipa-invade’ nalang ba ang siyudad sa mga tawo nga wala magsunod sa balaod.
Gitumbok sa Mayor nga nganong hisgutan man ang kabahin sa ‘moratorium’ gumikan ba kini kay duol na ang eleksyon.
Apan giklaro ni Cebu City Councilor Jun Alcover, atul sa pakighinabi niini sa Bombo Newsteam, nga ang unod sa iyang ‘privilege speech’ mao ang pagtan-aw sa kakuwang ug posibling mahimong tubag pinaagi sa mga balaodnon ingun man ang implementation ug wala siyay gibasul sa maong panghitabo nga mas maayo kung makahimo ug executive session kauban ang tanang mga stakeholders
Kini arun usab ma klaro kung unsay kuwang sa mga balaodnon arung makasulod ang konseho ug makapanday sa saktong solusyon.
Gumikan kay nakita sa maong konsehal nga posibling makaapekto ang video nga mikatap online sa imprisyon sa mga tawo nga makakita niini.
Saysay ni alcover nga daw sama ug ‘na-mislead’ lang si Mayor rama sa iyang ‘privellege speech’ ug giklaro niini nga wala siya ni comdemn o nagpasikat kun dili iyang gitan aw kung unsay posibling mahimo sa konseho.
