Gibutyag ni Cebu City Councilor, Dave Tumulak ang Chairperson sa Committee on Disaster Risk Reduction and Management nga moabag ang kagamhanan sa Dakbayan sa Sugbo sa pagpalubong sa 3 ka mga nakalas sa nahitabong landslide sa Sitio Riverside, Barangay Pulang Bato, Dakbayan Sugbo kagahapon Biyernes Octobre 9, 2026.
Matud niini, nga misaad ang kagamhanan sa pagpanghatag og hinabang alang sa mga nabiktima sa midahili nga yuta, lakip na ang naangol mga 38-anyos nga si Julie Pearl Andamon, alang sa pagpatambal niini sa tambalanan.
Sigon usab ni Konsehal Tumulak, nga magpahatud usab ug pasiunang tabang ang Kagamhanan sa Dakbayan, alang sa mga 35 ka pamilya nga naapektuhan nga kasamtangan usab gipabakwit sa Barangay Pulangbato, Gymnasium, aron paglikay sa risgo sa laing pagdahili sa yuta.
Gihimug-atan sa konsehal, nga dakong hagit sa mga emergency responders ang padayun nga pagbundak sa uwan, nga naka hatag ug kabalaka sa niini, gumikan kay padayun gihapon ang tagak-tagak sa yuta ug mga bato.
Hinungdan nga temporaryo una nga gipabakwit ang mga residente sa sports complex sa barangay, aron sa padayon nga pagpakigsusi usab sa Mines and Geosciences Bureau (MGB-7) sa kahimtang sa yuta.
