Narekober na sa mga awtoridad ang 4-ka mga indibidwal human natabonan sa landslide ang usa ka panimalay sa Sitio Riverside, Barangay Pulangbato, Dakbayan sa Sugbo, karong adlawa, Biyernes, Oktubre 9, 2026.
3 niini ang gideklarar na nga nakalas ug usa ang naluwas sa insidente, lakip sa mga giilang namatay mao si Judith Bunghanoy, 60-anyos, ug ang 5-ka tuig nga bata nga si Kayden Avery ug Xian Kyrie Caballero.
Matud sa kabanay nga si Rio Titoy, wala siya sa maong lugar sa dihang nahitabo ang landslide, igo lang siya gitawagan sa iyang igsoon aron ipahibalo nga adunay nahitabong pagdahili sa yuta sa ilang lugar.
Matod niini, kusog ang ulan niadtong higayona ug wala sila makahibalo nga adunay landslide hangtod nga miadto na ang iyang inahan sa maong lugar ug nakita nga natabonan na ang balay.
Dako usab ug hagit sa mga rescuers ug pipila ka mga emergency responders ang padayun nga pag-uwan-uwan atol sa pagpahigayon ug rescue operations ug ang padayun nga pagdahili sa yuta.
Matud ni Barangay Pulangbato Distaster Chairperson Councilor Clyde Limpag, sukad pa sa miaging tuig atol sa Bagyong Tino, adunay nang natala nga landslide sa maong dapit, apan iyang dason nga mas kusog ang nahitabo niadtong Biyernes, ug miresulta sa pagkamatay sa mga biktima.
Dugang niini, nga daan nang gipahimangnoan ang mga residente sa milabayng upat ka tuig nga giklasipikar nga landslide-prone ang maong dapit, Apan, wala sila mibalhin, gumikan kay walay nahatag ang kagamhanan nga relocation site alang kanila.
Sa pagkakaron, nagpadayon ang pagmonitor sa maong lugar tungod sa risgo sa dugang nga pagdahili sa yuta samtang gipabakwit ang mga residente ug gipahimutang Barangay Pulangbato Gym.
