19-anyos nga lalaki, nasikop human nga namaligya og gituohang shabu

CEBU CITY-Nasikop sa mga sakup sa kapulisan sa Mambaling Police Station ang usa ka 19-anyos nga lalaki atol sa gipahigayon nga Buy-bust operation sa Sitio Lawis Brgy. Mambaling ning dakbayan sa Sugbo.

Giila ang dinakpan nga si Jidd Monisit Racal, tambay, wala’y trabahu ug nagpuyo sa naasoy nga dapit.

Nakuha gikan kang Jidd ang mga pakite sa gituohang shabu nga nagkantidad og P34,000.

Sa dihang gipangutana sa Bombo Newsteam si Jidd sa hinungdan nga misulod kini sa maong pagpamaligya og gidiling drogas, matud pa niini tungod sa kalisod sa panahon.

Dugang pa niini nga kung wala siya’y kwarta dili kini makapalit sa mga butang nga gusto niyang paliton hinungdan nga na-ahat nalang kini og pamaligya og shabu sa pamasin nga maka-kwarta.