Giawhag ni DILG Secretary Benhur Abalos Jr., ang matag pamilya nga aktibong mosalmot sa pakigbatok sa gobyerno batok sa ilegal nga drugas.
Gihimo ni Abalos ang panawagan atol sa unang tuig nga anibersaryo sa Buhay Ingatan, Droga’y Ayawan o kon BIDA program sa Lingayen, Pangasinan.
Gani, gihatagan og gibug-aton sa opisyal ang kamahinungdanon sa matag pamilya sa pakigbisog sa nasud sa ilegal nga drugas.
Dugang niini nga pinaagi sa pagtinabangay, makabaton kini og kaugmaon sa mga kabatan-onan.
Kinahanglang magiyahan sila samtang gitutokan sa mga awtoridad ang pagsumpo sa ilegal nga drugas.
Gipasalig usab sa kalihim nga dili mohunong ang Philippine National Police, Philippine Drug Enforcement Agency, ug National Bureau of Investigation (NBI), hangtud nga hingpit ng matuldukan ang matang sa ilegal nga drugas.
