K-Pop Star IU, nihalad og OPM hit nga “Pasilyo” sa iyang Concert

Napuno sa kalipay ang mga fans ni Kpop Star Lee Ji-eun o mas naila sa pangalan nga IU, sa dihang gikanta niini ang Original Pilipino Music hit nga ‘Pasilyo’ sa bag-o lang niyang nahuman nga concert sa Philippine Arena.

Gawas sa iyang mesmerizing voice, gidayeg usab siya sa iyang mga fans tungod memorize ug gitun-an gayud sa maong Kpop singer-actress ang lyrics ug tono sa maong kanta.

Ang nasangpit nga ‘Pasilyo’ gimugna sa bandang SunKissed Lola nga gikan sa Pilipinas ug mahitungod kini sa iyang gimahal ug sa iyang tinguha nga ihalad ang iyang kinabuhi sa tawo nga iyang gihigugma.

Samtang, nilungtad og tulo ka oras ang nasangpit nga konsiyerto ug mikanta siya og 28 ka kanta lakip na niini ang iyang kaugalingong mga kanta.