CEBU CITY-Dakong pasalamat ni Dr. Alice Utlang kang Cebu City Acting Mayor Raymond Alvin Garcia human kini na reinstate sa katungdanan isip City Veterinarian-Department Head sa Department of Veterinary Medicine and Fisheries sa kagamhanang local sa dakbayan sa Sugbo.
Kini human sa iyang lima ka tuig nga pagkawala sa katungdanan sa DVMF isip City Veterinarian og gi-assign kini sa Cebu City Resource Management and Development Center (CREMDEC) sa Brgy. Taptap, bukirang bahin sa dakbayan.
Napwesto pa kini siya sa isip Special Assistant to the Mayor sa administrasyon ni Suspended Cebu City Mayor Michael Rama bago pa nabalik sa iyahang orihinal nga posisyon.
Pamahayag pa ni Dr Utlang sa Bombo Radyo Cebu Newsteam nga usa sa iyang gitumbok nga pagkawala sa orihinal nga natungdanan kay tungod sa isyu sa pamolitika sa dili detalyadong tumong.
Priyoridad sa doktora ang pagpadayon sa programa sama sa vaccination ug mobile clinic sa DVMF ug ang pag-improve sa ilahang opisina nga mupalahutay sa mas episyente nga serbisyo sa ahensya.
