Wala magkinahanglan og permit gikan sa China ang Pilipinas aron makaadto sa Ayungin Shoal nga sakop sa West Philippine Sea.
Kini maoy gipasiugda ni National Security Adviser Eduardo Año.
Matod ni Sec. Año ang pahayag sa Foreign Ministry sa China nga nagsugyot nga gikinahanglan ang pagtugot gikan sa China aron maka-access ang Pilipinas sa Ayungin Shoal.
Gitawag ni Año ang pahayag sa China nga “absurd, nonsense ug dili madawat.
Sa giluwatang pamahayag sa Chinese Foreign Ministry nga tugotan nila ang Pilipinas nga makapadala og mga suplay sa BRP Sierra Madre kon kini makapahibalo sa China.
Nihatag og gibug-aton nga dili kini mahimong gamiton sa Pilipinas isip pasangil sa pagpadala og mga materyales alang sa pagtukod sa mga barko sa dagat matod pa sa tigpamaba sa Chinese Foreign Ministry nga si Mao Ning.
Gisaway usab ni Año ang bag-ohay nga pagka-agresibo sa China sa West Philippine Sea diin iyang gihulagway ang mga aksyon sa China nga salawayon ug nagkinahanglan og lawom nga imbestigasyon.
Mihisgot ang kalihim nga ang agresibong aksyon sa China Coast Guard niadtong Mayo 9, 2024 batok sa usa ka barkong Pilipino nga mibakwit sa usa ka masakiton nga sundalo gikan sa BRP Sierra Madre usa ka barbariko ug dili makatawhanon.
Giinsistir ni Año, ang maong mga aksyon dili lamang mga paglapas sa maritime international laws kondili lakip na sa batakang tawhanong katungod.
Gipasalig ni Año nga ang Pilipinas magpadayon sa pagmentinar ug paghatag sa ilang mga outpost sa West Philippine Sea, apil na ang BRP Sierra Madre, nga walay pagtugot gikan sa ubang kanasuran.
