CENTRAL VISAYAS-Gitataw ni Department of Education Central Visayas Regional Director Salustiano Jimenez kabahin sa sugyot sa kaulohan sa paglimita sa paggamit og smartphones sa mga estudyante sa tunghaan.
Gipamahayag ni Jimenez nga adunay bentaha ang paggamit sa mga smartphones sa klase ilabi na sa pagpalapad sa learning materials sa mga magtutudlo sa tinubdan sa lesson plans.
Apan, dugang pa niya nga dili kini pwedeng patuyangan.
Aron sa pagregulate niini, giawhag sa director nga adunay gahum ang mga magtutudlo aron pagdirekta sa tukma ug saktong pag-utilize sa smartphones sa oras sa klase aron napud malikay sa pipila ka mga temptasyon sa bag-ong media ilabi na sa mga social media ug mga apps.
Dugang pa niini nga dili sakto ang hisgot sa pipila sa pagkumpara sa mga kinasinatian sa miaging henerasyon sa pagdili sa mga smartphones kay ingon man nga mas maayu ug paglambo sa mga pamaagi sa pagdalit ug tinudlo kung ma-utilize sa magtutudlo ang tanan available nga learning materials.
