BINI adunay dakong konsiyerto karung buwan sa Oktubre

Gikatakdang mopahigayon og Grand BiniVerse concert ang Pinay girl group nga BINI.

Kini human sa usa ka malampuson nga tulo ka gabii nga konsyerto sa New Frontier Theater.

Human sa ikatulong gabii karong Domingo, gipahibalo sa grupo nga aduna silay concert karong Oktubre 4 sa Araneta Coliseum.

Tumong sa maong konsiyerto nga makalantaw ang ilang daghang fans tungod kay daghan gihapon ang napakyas sa pagpalit og mga tiket sa ilang 3-night concerts.

Sa umaabot usab nga Hulyo 11 ipagawas nila ang bag-ong kanta nga “Cherry On Top”.