UNITED NATIONS-Gitaho sa United Nations nga ang tumong sa pagwagtang sa global hunger sa 2030, giingong mas imposible nga makab-ot, tungod sa gidaghanon sa mga tawo nga nag-antus sa kagutom nga halos wala mausab sa miaging tuig.
Ang tinuig nga taho sa State of Food Security and Nutrition in the World nag-ingon nga dul-an sa 733 milyon ka mga tawo ang nag-atubang sa kagutom kaniadtong 2023.
Matud ni David Laborde, direktor sa division sa UN Food and Agriculture Organization (FAO) nga nagtabang sa pag-andam sa survey, nga bisan paman nga adunay pag-uswag nga nahimo ang pipika ka mga rehiyon, wala gihapon kini makaikyas sa kamatuoran sa global level.
Dugang niini nga anaa sa ‘worse situation’ ang kahimtang karon sukad nga ilang gilunsad ang eradicate hunger sa 2030.
