METRO MANILA-Gisubli sa China ang pagsupak niini sa pagdeploy sa mga missile system sa US sa Pilipinas.
Sa usa ka pamahayag, ang tigpamaba sa Chinese Foreign Ministry nga si Lin Jian miingon nga morag gitugotan lamang sa Pilipinas nga mograbe ang tensyon ug panagbangi sa Indo-Pacific Region kung tugotan niini ang deployment sa US missile system.
Matod niya nga ang maong lakang makapasamot gyud sa geopolitical tension ug arms race sa rehiyon.
Giawhag sa opisyal sa China ang US ug Pilipinas nga tangtangon ang missile system sa US ug himuon kini nga abli sa publiko.
Gi-deploy sa US ang Mid-Range Capability (MRC) missile system sa Northern Luzon kaniadtong sayong bahin sa Abril, 2024 isip bahin sa Salaknib Exercise 2024.
Ang maong missile system gigamit usab sa misunod nga Balikatan Exercises.
Bisan pa, ang Russia ug China kaniadto gisaway ang lakang, gihangyu nga tangtangon kini, ug ibalik sa US.
