Muabot sa kinatibuk-an nga 1,367 ka miyembro ug tigsuporta sa New People’s Army ang malampusong na-neutralize sa mga tropa sa gobyerno.
Kini nga gidaghanon natala sa AFP gikan Enero 1 hangtod Agosto 8 ning kasamtangang tuig.
Sa usa ka pahayag, si AFP Spokesperson Col. Francel Margareth Padilla nga sa gidaghanon sa mga rebelde nga na-neutralize, 1,169 niini ang ni-surrender sa gobyerno, 101 ang nadakpan o nasikop samtang 97 ang napatay sa mga operasyon sa militar.
Kalabot niini, narekober usab sa militar ang 751 ka armas ug 237 ka anti-personnel mine.
Dugang niini, gipahibawo usab ni Padilla nga niabot sa 176 ka mga sakop sa lokal nga teroristang grupo ang malampuson usab nga na-neutralize sa gobyerno.
Gikan sa maong gidaghanon, 124 ang mi-surrender sa tropa sa gobyerno, unom ang nasikop ug 46 ang namatay human nakigbatok.
