Posibleng usa si Huang Zhiyang sa mitabang ni kanhi Mayor Alice Guo nga makalingkawas sa Pilipinas sumala pa ni Senador Sherwin Gatchalian ug PAOCC Executive Director Undersecretary Gilbert Cruz.
Matod ni Cruz, si Huang gikonsiderar nga usa sa mga hepe sa mga POGO nga nalambigit sa nagkalain-laing kriminal nga kalihokan.
Sa impormasyon sa opisyal, usa kini sa mitabang kang Guo sa dihang nibalhin kini sa lain-laing mga nasud sa ASEAN human nibiya sa Pilipinas.
Samtang basi ni Senador Sherwin Gatchalian, si Huang nibalhin sa Hong Kong gikan sa Taiwan.
Lakip usab si Huang sa gipasakaan og kasong qualified trafficking sa PAOCC.
Tungod niini nanghinaot karon si Cruz ug Gatchalian nga makaisyu sila og warrant of arrest batok kang Huang aron ila usab matimbrehan sa Interpol ug mahatagan og red notice.
Gawas kang Huang, si Gatchalian niingon usab nga si Duarren Wu, ang top executive sa Whirlwind Corporation nga nag-abang og yuta sa POGO hub sa Porac POGO hub, usa sa posibleng nakatabang kang Alice Guo nga makagawas sa Pilipinas.
Dugang pa, nga si Zhang Jie, ang Presidente sa Lucky South 99, nalakip usab sa mga nanggawas nga dokumento.
Matud pa nga ilang gi-book ang mga hotel, gipadali ang mga biyahe ug adunay kontak sa lugar nga giadtoan ni Guo lakip ang Malaysia, Indonesia ug Singapore.
