CEBU CITY-Giawhag sa konseho sa kagamhanang dakbayan sa Sugbo ang buhatan sa Department of Public Works and Highways (DPWH) sa pagpadali sa dugay nang nalangan nga proyektong imprastrukturang “roundabout” sa eskina F. Vestil Street ug sa Cebu South Coastal Road (CSCR) sa South Road Properties (SRP).
Matud pa ni Cebu City Councilor Atty. Rey Gealon, kinsa chairman sa Committee on Transportation sa Sagguniang Panlungsod sa kagamhanang dakbayan sa Sugbo nga nipadayag sa iyang kasagmuyo sa kalangan sa maong proyekto.
Gitumbok pud niya nga napundohan na ang maong proyekto apan ang implementasyon nalang niini ang gipaabot.
Kini unta kasulbaran sa dagan sa trapiko sa CSCR sa nagkadako nga kahuot sa trapiko sa lugar.
Kahinumduman nga ang moang roundabout project kay una nga gisugyot kaniadtong 2021 nga nagtumong aron mapulihan ang kasamtangang T-junction, nga kanunay makasinati mga bottleneck sa trapiko, labi na sa mga peak hours.
Ang DPWH nigahin na og P600-milyones alang sa proyekto, lakip na ang P250 milyones alang sa road widening aron ma-accommodate ang bag-ong imprastraktura.
Sa samang bahin, pormal pud nga nag groundbreaking ang bag-ong weighbridge station nga nagtumong sa paglikay sa mga overloaded trucks ug vehicles sa pagsubay sa maong nga hinungdan sa daghan aksidente.
