Plano sa mga otoridad sa Zimbabwe nga mag-ihaw og 200 ka mga elepante aron ipakaon sa mga nagkutoy nga mga tiyan sa tawo.
Tungod kini sa giingong wala nay kapilian nunot sa grabeng kagutom nga hatud sa pinakagrabeng huwaw nga ilang nasinati sulod sa upat na ka dekada.
Ingon man nga epekto usab sa El Niño phenomenon, dili na mapahimuslan ang mga tanom sa southern Africa, nga naka-apekto sa 68-milyones ka mga tawo.
Matud ni Tinashe Farawo, Zimbabwe Parks and Wildlife Authority (Zimparks) spokesperson, ila nang gitun-an ang paagi sa pag-ihaw sa mga elepante kansang karne ipang-apod apod sa mga komunidad nga apektado sa grabeng huwaw.
Nadesisyunan kini human unang nag-ihaw ang ilang silingag nasud nga Namibia og 83 ka mga elepante ning mi-aging buwan aron ipanghatag ang karne sa mga tawong apektado usab sa grabeng ka-init.
