Gihingusgan sa Probisnya sa Sugbo ang ilang Food Security aron masiguro ang seguridad sa pagkaon sa probinsya samtang nagkagrabi ang epekto sa El Niño phenomenon.
Sumala ni Larry Pamugas, ang Officer-in-Charge sa Provincial Agriculture Office, nakatutok karon ang ilang buhatan sa pagtabang sa mga mag-uuma nga maoy grabeng naigo sa huwaw.
Diin tumong niini nga dili makompromiso ang suplay sa pagkaon sa probinsya bisan pa man sa kakuwang sa ulan nga nakaapekto sa mga basakan ug kaumahan.
Gipunting usab sa buhatan ang pagpasaka og 5 porsyento sa food security diin subay sa ilang gipanaad nga taga tuig adunay usbaw sa production site.
Gihimug-atan usab niini ang kamahinungdanon sa mga ahensya nga nitabang sa pagbantay sama sa Department of Trade and Industry, Department of Solid Waste Management ug ang people’s organization aron sa pag-abag sa pagtutuk sa kasiguraduhan sa pagkaon.
