PROVINCE OF CEBU-Agakan og supporta sa buhatan sa Food and Drug Administration (FDA) ang programa sa kagamhanang lalawigan sa Sugbo nga “Sugbo Negosyo” isip pag-amuma sa mga small to medium-sized enterprises (SMES) sa probinsya.
Matod pa sa mga kadagkoan sa FDA nga gipangulohan ni Deputy Director General Jesusa Joyce Cirunay diin tataw niini ang pagpasayon sa aplikasyon sa mga SMEs ngadto sa buhatan nga usa sa mga requirements sa ilang negosyo.
Gihimug-atan niini ang estratihekong pag-giya sa mga aplikante atol sa nahitaobng panagtigom sa mga opisyal ngadto sa Kapitolyo.
Atol s amaong panagtigom, nagtumong kini sa pagsupporta sa mga Sugboanong negosyante sa mga gagmayng patigayon nga nagdalit og pagbansay sa kahanas ug ayuda sa kapital aron sa pagpalambo sa ilang panginabuhi.
Dugang pa nga nanghinaot ang mga opisyal sa FDA ang supporta sa Kapitolyo nga ilangkob ang mga State Universities sa probinsya isip kabahin sa maong programa.
Ang ilang tumong mao ang pagtabang sa mga estudyante nga negosyante pinaagi sa pagpahapsay sa proseso sa pag-apruba sa FDA alang sa ilang mga produkto ug pagpauswag sa kahanas sasumusunod nga henerasyon.
