Mipadala og suwat ang White House ngadto sa gobyerno sa Israel nga nangayo alang sa usa ka kalamboan sa makitawhanong kahimtang sa Gaza.
Nalatid sa nasangpit nga suwat nga kinahanglang matuman kini sulod sa 30 ka adlaw ug kon dili kini mahitabo kay tataw nga usa kini ka paglapas sa balaod sa US nga nagdumala sa langyaw nga tabang militar ug posibleng maapektuhan ang tabang militar sa US ngadto kanila.
Ang maong suwat gipirmahan usab ni US Secretary of State Antony Blinken ug Secretary of Defense Lloyd Austin.
Diin gitumong ngadto sa Israeli Minister of Defense Yoav Gallant ug Minister of Strategic Affairs Ron Dermer.
Katuyoan sa maong suwat nga mapaubos ang tensyon sa nahisgutang lugar diin daghan na nga mga nasud ang nanawagan sa Israel nga tubagon ang ceasefire.
