Giila sa Department of Justice (DOJ) ang panawagan alang sa Pilipinas nga mobalik sa pagka-miyembro sa International Criminal Court.
Gawas niini, giinsister usab ni Justice Assistant Secretary Mico Clavano nga giila sa ahensya ang panawagan sa publiko nga isumiter ngadto sa ICC ang taho sa Quad Committee sa House of Representatives kalabot sa dugoong drug war ni kanhi PRRD.
Hinuon, matud ni Clavano nga si Pres. Ferdinand Marcos Jr. lang ang makahimo og desisyon bahin niini, isip chief architect sa palisiya sa gawas sa nasud.
Tungod niini, mobarog ug mosunod ang DOJ, bisan unsa pa ang desisyon sa PBBM.
Tuig 2019 sa dihang ang Pilipinas mibuwag sa ICC ubos ni kanhi Pres. Rodrigo Duterte.
Lakip sa giimbestigahan sa ICC mao ang mga krimen sa gubat, mga krimen sa agresyon, genocide, ug mga krimen batok sa katawhan.
Si Duterte maoy usa sa mga subject sa crime against humanity investigation sa international body tungod sa maduguong sunod-sunod nga pagpamatay sa pagsugod niya sa kampanya batok sa ilegal nga drugas.
