Katabang sa India, gidakop human giingong gibutangan og ihi ang pagkaon sa iyang amo

INDIA- Gidakop sa mga otoridad ang usa ka katabang sa India human nasakpan nga gibutangan og ihi ang pagkaon sa iyang mga amo.

Matod sa mga otoridad, ang katabang nga si Rina gireklamo sa iyang amo kay nagtuo siya nga gihiloan sila kay silang tanan adunay problema sa atay.

Nabutyag ang sekreto sa katabang sa dihang ang amo ni Rina nagbutang og camera sa ilang kusina aron masubay ang iyang pagluto ug didto na kini nasakpan.

Apan, gihimakak ni Rina ang pasangil ug nagpakahilom lang dihang gipakita kaniya ang video.

Ingon man nga dili makatuo ang amo ilabi na nga walo na ka tuig nga kusinera nila si Rina.