Magpakatabang na ang Pilipinas sa mga silingang nasud sa Asya aron motabang sa disaster and relief efforts human sa pagkusokuso sa Bagyong Kristine.
Matud pa ni Defense Secretary Gilberto Teodoro, ang Department of National Defense (DND) gikatakdang makig-alayon sa ilang mga international counterparts, partikular na sa mga nasud sa ASEAN, aron mangayo og tabang kung gikinahanglan ang dugang resources alang sa search, rescue ug relief operation.
Gipahibalo ni Teodoro ang maong lakang tungod kay gilauman nga moabot ang worst case scenario tungod kay posibleng dako ang kadaot nga ibilin sa bagyong Kristine.
Diin lakip sa mga nasud nga pangayoan og tabang niini ang Singapore, Malaysia, Indonesia ug Brunei.
Giklaro ni Teodoro nga hangtod karon wala pay hangyo ang gobyerno sa ubang kanasuran tungod kay gi-maximize na nila ang tanang resources ug ang mga nagkalain-laing ahensya nga makatubag pa sa ilang disaster response efforts.
Matud pa sa Kalihim nga sa higayon nga mohimo sila og hangyo sa ilang international counterpart, kinahanglan nga ibutang kung unsa ang buhaton ug kung asa dad-on ang mga hinabang.
Ingon man nga nakigkontak na usab ang nasud ngadto sa Amerika alang sa bag-ong tabang.
