Davao City Police Office, uyon sa imbistigasyon apan, midistansya una sa pag-angkon ni FPRRD kalabot sa Davao death squad

Uyon ang Davao City Police Office sa imbestigasyon kalabot sa Davao death squad sumala pa ni DCPO spokesperson PCpt. Hazel Tuazon.

Apan, gidistansya niini ang iyang kaugalingon sa pagkomento sa mga pamahayag ni kanhi Presidente Rodrigo Duterte sa dihang mitunga siya sa Senate hearing nga adunay death squad niadtong Mayor pa siya sa Davao City.

Ang maong death squad giingong maoy responsable sa pagpamatay sa mga drug suspect sa dakbayan sa Davao ug gihimong modelo sa drug war ni kanhi Presidente Duterte.

Kahinumduman niadtong Lunes, Oktubre 28, giangkon sa kanhi Presidente nga adunay death squad nga gilangkuban sa 7 ka miyembro apan iyang giklaro nga dili sila pulis kondili gangster, kinsa matud pa ni Duterte nga namatay na.