Patay ang 88 ka mga tawo, lakip ang 11 ka mga babaye ug mga bata, tungod sa air strike sa Israel sa Northern Gaza.
Gikahadlokan sa United Nations ang kaluwasan sa 100,000 ka mga Palestinian nga anaa karon sa Northern Gaza tungod sa nagkagrabeng panagbangi.
Ang mga direktor sa usa ka ospital nabalaka sa ilang kalisud sa pagtambal sa pipila ka mga tawo nga nasamdan dungan sa pagkahurot sa mga health worker sa lugar.
Gibombahan sa Israel ang Gaza sulod sa mga semana sa pagpangita sa mga militanteng Hamas nga gikatahong nagkatibulaag sukad sa usa ka tuig sa gubat.
Sumala sa Health Ministry sa Gaza, 70 ka mga tawo ang napatay ug 23 ang gipangita pa sa lungsod sa Beit Lahiya sa Gaza.
Giakusahan sa Israel ang United Nations Relief and Works Agency for Palestine Refugees in the Near East (UNRWA) nga daw gigamit ang pasilidad sa UN isip panagang sa ilang mga kalihokan sa mga militanteng Hamas.
